News & Current Events

PHILIPPINE COUNCILOR’S LEAGUE-PALAWAN FEDERATION, NAGDIRIWANG NG TAUNANG PCL WEEK

Humigit kumulang 130 miyembro ng sangguniang bayan mula sa 23 munisipyong nasasakupan ng lalawigan ng Palawan ang dumalo sa ika-23 taong pagdiriwang ng Philippine Councilor’s League (PCL) Week.

Ang naturang aktibidad ay pinangunahan ni Kgg. Ryan D. Maminta, Interim Provincial Federation President mula sa munisipyo ng Narra.

Ang isang linggong aktibidad ay nagsimula kahapon, ika-8 ng Setyembre at magtatapos sa ika-12 ng Setyembre taong kasalukuyan.

Sa pagbubukas ng naturang aktibidad, panauhing pandangal ang ilang miyemro ng Sangguniang Panlalawigan ng Palawan na kinabibilangan nina Kgg. Cherry Pie Acosta, Kgg. Eduardo Modesto V. Rodriguez at Kgg. Albert Rama.

Samanlata, bahagi ng aktibidad ang isang orientation seminar para sa mga miyembro ng sangguniang bayan na pinangunahan ni Provincial Director Mario C. Daquer ng Department of the Interior and Local Government (DILG) Palawan. Kanyang tinalakay ang paksa patungkol sa Policy Development for Effective Local Legislation.

Kaugnay nito, ngayong araw, ika- 9 ng Setyembre, ay isinasagawa ang Basketball Friendship Game sa Palawan Electric Cooperative (PALECO) Gymnasium at magtatapos bukas, ika-10 ng Setyembre taong kasalukuyan.

Sa pagpapatuloy ng PCL Week ay nakatakdang isagawa ang isang seminar orientation SA ika-12 ng Setyembre para sa mga nagnanais mag enroll sa Dynamics Ladderized –Modular Governance Training Program na handog ng pederasyon para sa mga konsehal. Ito ay pangungunahan ni Prof. Ederson Delos Trino Tapio. Dean, College of Governance and Public Policy mula sa University of Makati.

Sa kasalukuyan ay may 215 kabuuang bilang na miyembro ng sangguniang bayan sa buong lalawigan ng Palawan at sa bisa ng Presidential Proclamation bilang 212 noong ika-23 ng Hulyo taong 1993, ang Philippine Councilor’s League ay magdiriwang ng PCL Week.

Read All News