Opisyal nang manunungkulan si Gng. Sharlene D. Vilches bilang Provincial Government Department Head (Provincial Planning and Development Officer) ng Pamahalaang Panlalawigan sa ilalim ng Provincial Planning and Development Office (PPDO) ng kapitolyo epektibo mula Agosto 16, 2023.

Ito ay matapos siyang humarap sa mga miyembro ng Sangguniang Panlalawigan sa ginanap na regular na sesyon ngayong araw, Agosto 29 sa pangunguna ni Bise Gobernador Leoncio N. Ola bilang presiding officer upang opisyal na kumpirmahin ang kanyang posisyon sa naturang tanggapan.

Si Vilches ay nanungkulan bilang Officer-in-Charge (OIC) ng PPDO ng mahigit isang taon bago tuluyang nanumpa bilang full-fledged Provincial Planning and Development Officer.

Samantala, personal namang dumalo si Provincial Human Resource Management Office (PHRMO) Officer-In-Charge Rolando B. Buñi upang opisyal na ipakilala si Vilches sa mga miyembro ng Sangguniang Panlalawigan.