Nagpulong ang mga miyembro ng Provincial Inter-Agency Council Against Trafficking and Violence Against Women and their Children and Anti-Online Sexual Abuse or Exploitation of Children and Anti-Child Sexual Abuse or Exploitation Materials o PIACAT-VAWC-OSAEC-CSAEM na pinangungunahan ng Pamahalaang Panlalawigan ng Palawan sa pamumuno ni Governor V. Dennis M. Socrates bilang Chairman.

Naging sentro ng talakayan ang mga hakbang at aktibidad na isasakatuparan para sa 18-Day Campaign Against Women and Children (VAWC) na nakatakda sa darating na Nobyembre 25 hanggang Disyembre 12, 2023.

Nagsilbing presiding officer si Atty. Mary Joy Ordaneza-Cascara ng Provincial Legal Office katuwang si Provincial Social Welfare and Development Officer Abigail D. Ablaña sa pagpupulong.

Nakatakda naman ang kick-off activity sa Nobyembre 28 na gaganapin sa kapitolyo sa pamamagitan ng isang Press Conference kung saan nakasentro ang magiging talakayan hinggil mga gawain ng konseho at mga batas na kailangang malaman ng mga mamamayan upang maiwasan ang anumang karahasan.

Inaasahan din ang aktibong pakikilahok ng mga ahensyang bumubuo sa konseho upang mapanatili ang pagpoprotekta sa karapatan ng mga kababaihan at kabataan hindi lamang sa Palawan kundi sa buong bansang Pilipinas.