Opisyal nang manunungkulan si G. Rolando B. Buñi bilang full-fledged Provincial Government Department Head (PGDH)-Provincial Human Resource Management Officer ng Pamahalaang Panlalawigan ng Palawan matapos ang kanyang kumpirmasyon mula sa Sangguniang Panlalawigan ngayong araw, Disyembre 05 sa ginanap na regular na sesyon na pinangunahan ni Bise Gobernador Leoncio N. Ola bilang presiding officer.

Si G. Buñi ay nagsimulang manungkulan bilang Officer-in-Charge (OIC) ng PHRMO nitong Hulyo 03, 2023 bago tuluyang manumpa bilang Provincial Human Resource Management Officer noong Agosto 16, taong kasalukuyan.

Ang naturang kumpirmasyon ay personal na dinaluhan ni Provincial Information Officer Atty. Christian Jay V. Cojamco na kasalukuyang tumatayong OIC Provincial Administrator upang opisyal na ipakilala si Buñi sa mga miyembro ng Sangguniang Panlalawigan.