Apat na raang (400) mga katutubo mula sa Brgy. Candawaga sa munisipyo ng Rizal, Palawan ang nebenepisyuhan ng libreng serbisyong pangkalusugang hatid ng Provincial Health Office (PHO). Ito ay ginanap kahapon, Nobyembre 11, 2024 bilang bahagi sa paggunita ng Malaria Awareness Month ngayong buwan.

Ilan sa ipinagkaloob na mga serbisyo ng PHO ay ang medical consultation, malaria smearing, laboratory, immunization, nutrition services, family planning at information communication campaign gayundin ang pamamahagi ng food packs at libreng gamot.

Samantala, ang naturang aktbidad ay magkatuwang na itinaguyod ng Rizal Municipal Health Office, Department of Health-Center for Health Development MIMAROPA, Provincial Department of Health Office (PDOHO), at Pilipinas Shell Foundation, Inc. (PSFI) sa pakikipagtulungan ng Provincial Health Office.