Previous slide
Next slide
๐๐๐ ๐๐๐ง๐๐๐ข๐๐ข๐๐ซ๐ข๐๐ฌ ๐ง๐ ๐๐จ๐ฆ๐ฆ๐ฎ๐ง๐ข๐ญ๐ฒ-๐๐๐ฌ๐๐ ๐๐๐ง๐๐๐ซ ๐๐ง๐ ๐๐๐ฏ๐๐ฅ๐จ๐ฉ๐ฆ๐๐ง๐ญ ๐๐ข๐ฏ๐๐ฅ๐ข๐ก๐จ๐จ๐ ๐๐ง๐ก๐๐ง๐๐๐ฆ๐๐ง๐ญ ๐๐ซ๐จ๐ ๐ซ๐๐ฆ ๐ง๐ ๐๐๐ฆ๐๐ก๐๐ฅ๐๐๐ง๐ ๐๐๐ง๐ฅ๐๐ฅ๐๐ฐ๐ข๐ ๐๐ง ๐ง๐ ๐๐๐ฅ๐๐ฐ๐๐ง, ๐๐ฎ๐ฆ๐๐ง๐ ๐ ๐๐ฉ ๐ง๐ ๐๐ข๐ฏ๐๐ฅ๐ข๐ก๐จ๐จ๐ ๐๐๐ฌ๐ก ๐๐ฌ๐ฌ๐ข๐ฌ๐ญ๐๐ง๐๐ ๐ง๐ ๐ฎ๐ฆ๐๐๐จ๐ญ ๐ฌ๐ ๐ฆ๐๐ก๐ข๐ ๐ข๐ญ ๐ฌ๐ ๐๐ข๐ฆ๐๐ง๐ (๐๐๐) ๐๐ข๐ฅ๐ฒ๐จ๐ง๐ ๐ฉ๐ข๐ฌ๐จ.
Bilang bahagi ng pagpapatupad ng Community-Based Gender and Development Livelihood Enhancement Program (CBGAD LEP) ng Pamahalaang Panlalawigan ng Palawan, ipinagkaloob noong nakaraang linggo ang P30,000 na individual livelihood cash assistance sa 195 benepisyaryo mula sa iba’t ibang bayan. Layunin ng programang ito na palakasin ang kabuhayan ng mga kababaihan at iba pang sektor na nangangailangan ng tulong pangkabuhayan.
Ayon sa tala, 111 sa mga benepisyaryo ay mula sa bayan ng Sofronio Espaรฑola, 13 mula sa Narra, 17 mula sa Roxas, 19 mula sa San Vicente, 30 mula sa Taytay, at 5 mula sa Aborlan. Kabilang sa mga benepisyaryo ng programang ito ay ang mga biktima ng human trafficking, Parent of Child Labors, Out-of-School Youth, Seaweed Processing Industry Support at Community-Based Sustainable Tourism Industry Support.
Pinangunahan ni G. Richard Winston J. Socrates, Provincial Department Head ng Provincial Gender and Development Office, ang pagkakaloob ng nasabing tulong pinansyal, kasama si DOLE Director Carlo Villaflores, Provincial Legal Officer Atty. Joshua Bolusa, at mga kinatawan mula sa mga lokal na pamahalaan.
Ang programang ito ay isa sa mga pangunahing proyekto sa ilalim ng pamamahala ni Governor V. Dennis M. Socrates. Binigyang-diin ni Governor Socrates na ang hangarin ng CBGAD LEP ay hindi lamang magbigay ng ayuda kundi makapagpatibay ng pangmatagalang kabuhayan para sa mga benepisyaryo, lalo na ang mga kabilang sa mga espesyal na sektor na madalas hindi nabibigyang pansin. Ayon kay Governor Socrates, ang ganitong inisyatibo ay bahagi ng mas malawak na layunin ng kanyang administrasyon na isulong ang pantay na oportunidad at dignidad para sa bawat Palaweรฑo, sa pamamagitan ng pagkakaloob ng makabuluhang suporta para sa pagpapaunlad ng kanilang kabuhayan.
Ang pagtutok ng kanyang administrasyon sa mga programang pangkabuhayan ay nagpapakita ng kanilang pangako sa inklusibong pag-unlad na may malasakit, partikular para sa mga indibidwal at pamilyang nangangailangan ng karagdagang tulong.
