Pinaigting ng Provincial Social Welfare and Development Office (PSWDO) ang paghahatid ng iba’t ibang serbisyong panlipunan sa mga Palaweño bilang pagtugon sa direktiba ni Gob. Dennis M. Socrates. Sa katunayan, sa taong 2024 umabot sa P30.5-Milyon ang naipagkaloob na tulong pinansyal sa ilalim ng Crisis Intervention Unit (CIU).

Kabilang sa napagkalooban nito ay mga senior citizen, kababaihan, PWDs, solo parent, miyembro ng 4Ps, Family Head and Other Needy Individuals (FHONA) at iba pa.

Matagumpay din na naisagawa ang mga programa gaya ng Local Social Integration For Former Rebels Program (LSIFR), Recover and Reintegration Program for Trafficked Person (RRPTP), Program for Solo Parents, Women Welfare Program, Aid to Senior Citizens Program, Children’s Welfare Program, Persons With Disability Program (PWD), Bahay Pag-Asa Youth Center (BPYC), Special Drug Education Center (SDEC), Program for Youth, Yakap Bayan Program, Social Health Insurance Program (SHIP), at Comprehensive Local Juvenile Intervention Program.

Sa pamamagitan naman ng Disaster Response and Management Unit (DRMU), nakapamahagi ng sampung milyong welfare goods kabilang ang family food packs, limang milyong hygiene kits at iba pang supplies gayundin ang pagkakaloob ng bigas sa iba’t ibang munisipyo na nasalanta ng bagyong Ferdie, Gener, Helen at Igme.

Samantala, sa dedikasyon ng PSWDO sa pagkakaloob ng serbisyo ay tumanggap ito ng pagkilala mula sa Department of Social Welfare and Development (DSWD) – MIMAROPA PaNaTa Ko sa Bayan Awards (Pagkilala sa Natatanging Kontribusyon sa Bayan) gayundin ang anim (6) na parangal mula sa 2024 MIMAROPA Population and Development (POPDEV) awards